《布萊希特‧周恩來‧二三事》之《野心家之歌》一、二

        《野心家之歌》 
之一

 

          刀斧手唔會因為要證明自己出色

而刴咗自己雙腳

聽落好合邏輯

但係一個民族會支持一個屠夫做領袖

對另一個民族進行種族清洗

希特拉納粹黨講明要清徐猶太人

佢迅速發展

點解？

政治係一部機器

佢運作起嚟

唔會理你係邊個

 

之二

 

          太陽由東方升起，西方落下

三歲細路都識講

到佢八十歲都一樣

野心家就係野心家

古今中外無例外

希特拉條橋好簡單

用種族仇恨

团結人民

人民選咗佢

佢就話之你

實行一黨專政

順我者昌

逆我者忙

納粹只係一種說法

就正如其他野心家

打倒對手

總有說法

民族危機

民族復興

民族的夢想

民族的一切

最後

一切民族為了他

民族的一切也為了他

 

野心家無處不在

大國家、小國家

大政黨、小社團

大企業、小單位

大學、小學

歷史洪流滚滚

無數人付出青春、生命、激情

無數人默默工作，盡忠職守

歷史洪流滚滚

滾出一煲又一煲純粹綿綿的白粥

然而，總有一隻又一隻老鼠要偷食

撤下一粒又一粒老鼠屎

白粥不再是白粥

歷史不再是歷史